खाते सुविधा
प्रत्येक ग्राहकासाठी बँक खात्याच्या सुविधा
आमच्या बँकेत आम्हाला समजते की प्रत्येक व्यक्तीच्या आर्थिक गरजा वेगवेगळ्या असतात. म्हणूनच आम्ही तुमच्या जीवनशैली आणि उत्पन्नानुसार जुळणाऱ्या विविध प्रकारच्या खात्यांच्या सुविधा देतो. तुमच्यासाठी योग्य खाते निवडा.
बचत खाते
आमची बँक बचत खात्याची सुविधा प्रदान करते, जी अशा व्यक्तींकरिता उपयुक्त आहे ज्यांना आपले पैसे सुरक्षित ठेवायचे आहेत आणि त्यावर व्याजही मिळवायचे आहे. या खात्यामध्ये रक्कम जमा करण्याची आणि काढण्याची लवचिकता उपलब्ध आहे. ग्राहक एटीएम, मोबाईल बँकिंग आणि इंटरनेट बँकिंगच्या माध्यमातून खात्याचा सहज वापर करू शकतात. हे खाते नोकरदार, विद्यार्थी आणि त्यांच्या आर्थिक व्यवहारांचे योग्य व्यवस्थापन करू इच्छिणाऱ्या कुटुंबांसाठी अत्यंत उपयुक्त आहे. आम्ही पासबुक, डेबिट कार्ड आणि एसएमएस अलर्ट यांसारख्या सुविधा देखील उपलब्ध करून देतो. काही खात्यांसाठी किमान शिल्लक रक्कम ठेवणे बंधनकारक आहे, जे बँकेच्या नियमांनुसार ठरते. शिस्तबद्ध बचत करण्याची सवय लागावी म्हणून बचत खाते हा एक आदर्श पर्याय आहे आणि आमच्या बँकेच्या माध्यमातून ही सुविधा सुरक्षित व विश्वासार्ह पद्धतीने दिली जाते.
चालू खाते
चालू खाते हे व्यवसायिक, व्यापारी, व्यावसायिक आणि उद्योजकांसाठी खास डिझाइन करण्यात आले आहे, जे वारंवार बँक व्यवहार करतात. या खात्यात अमर्याद रक्कम जमा आणि पैसे काढण्याची सुविधा मिळते, त्यामुळे ते दैनंदिन व्यवहारांसाठी योग्य ठरते. सामान्यतः या खात्यावर व्याज मिळत नाही, पण ओव्हरड्राफ्ट सुविधा, धनादेश पुस्तिका आणि डिजिटल बँकिंगसारख्या सुविधा दिल्या जातात. बचत खात्याच्या तुलनेत यामध्ये किमान शिल्लक रक्कम जास्त ठेवावी लागते. चालू खाते मोठ्या प्रमाणातील व्यवहार व्यवस्थित आणि सुरळीत पार पाडण्यासाठी मदत करते आणि व्यवसायातील आर्थिक प्रवाह नियमित ठेवते.
लघु बचत खाते
आमची बँक लघु बचत खात्याची सुविधा प्रदान करते, जी कमी किंवा अनियमित उत्पन्न असलेल्या व्यक्तींसाठी खास तयार करण्यात आली आहे, ज्यांना कमी कागदपत्रांमध्ये बचत सुरू करायची आहे. या खात्यासाठी सामान्यतः शून्य किंवा अतिशय कमी किमान शिल्लक रक्कम आवश्यक असते, त्यामुळे हे खाते अधिक लोकांसाठी सहज उपलब्ध होते. हे खाते रोजंदारीवर काम करणारे कामगार, ग्रामीण भागातील रहिवासी आणि पहिल्यांदाच खाते उघडणाऱ्यांसाठी उपयुक्त आहे. या खात्यामध्ये ठेवी, पैसे काढणे आणि बचतीवर व्याज मिळण्यासारख्या मूलभूत बँकिंग सुविधा दिल्या जातात. काही बँका प्रक्रिया सुलभ करण्यासाठी सवलतीच्या केवायसी अटीही लागू करतात. हे खाते आर्थिक समावेश वाढवते आणि लोकांमध्ये बचतीची सवय लागण्यासाठी मदत करते.
पगार खाते
आमची बँक पगार खात्याची सुविधा प्रदान करते, जी खास पगारदार व्यक्तींसाठी तयार करण्यात आली आहे. या खात्यामध्ये मासिक पगार थेट नियोक्त्यांकडून जमा होतो. खातेधारकांना शून्य शिल्लक सुविधा मिळते, त्यामुळे किमान शिल्लक ठेवण्याची गरज नसते. या खात्यासोबत आम्ही मोफत निधी हस्तांतरण, इंटरनेट बँकिंग, डेबिट कार्ड यांसारख्या सुविधा उपलब्ध करून देतो. याशिवाय, काही खात्यांवर ओव्हरड्राफ्ट सुविधा आणि विशेष ऑफर्सही दिल्या जातात. हे खाते नोकरदारांसाठी योग्य आहे जे त्यांचा पगार सुलभ आणि सुरक्षित पद्धतीने व्यवस्थापित करू इच्छितात. जर काही कालावधीसाठी पगार जमा न झाल्यास, बँकेच्या धोरणानुसार हे खाते नियमित बचत खात्यात रूपांतरित केले जाऊ शकते.